താമരശ്ശേരി: ജപ്പാന്‍ ഷോട്ടോക്കാന്‍ കരാട്ടേ ആന്‍ഡ് മാര്‍ഷ്യല്‍ ആര്‍ട്‌സ് അക്കാദമിയുടെ ആഭിമുഖ്യത്തില്‍ നടത്തുന്ന അന്താരാഷ്ട്ര കരാട്ടേ സെമിനാറും പരിശീലനവും ഏഴിന് താമരശ്ശേരി വ്യാപാരഭവനില്‍ നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
രാവിലെ ഒന്‍പതു മുതല്‍ നാലുവരെ നടക്കുന്ന സെമിനാറില്‍ ഷിഹാന്‍ ഈദി മേദ ജപ്പാന്‍ നേതൃത്വം നല്‍കും. ഷോട്ടോക്കാന്‍ കരാട്ടേയുടെ അന്താരാഷ്ട്ര വേദികളില്‍ നിറസാന്നിധ്യമായ മാസ്റ്റര്‍ ഷിഹാന്‍ ഈദി മേദ ജപ്പാന്‍ നേരിട്ടെത്തുന്നു എന്നതാണ് പരിപാടിയുടെ പ്രത്യേകത.
ജില്ലയുടെ വിവിധ ഭാഗങ്ങളില്‍ നിന്നുള്ള 200 ഓളം കായിക താരങ്ങള്‍ പങ്കെടുക്കും. ജെ.എസ്.കെ.എ ഇന്ത്യന്‍ ചീഫ് ഷിഹാന്‍ കെ.ജി ബാലചന്ദ്രന്‍ സംബന്ധിക്കും. വാര്‍ത്താസമ്മേളനത്തില്‍ ട്രെയിനര്‍മാരായ പി.ടി.എ മജീദ്, പ്രതാപന്‍ ചെട്ടിക്കുളം, പ്രദീഷ് സംബന്ധിച്ചു.