കോട്ടയം: കഠിനാദ്ധ്വാനവും നല്ല മനസുമുണ്ടെങ്കില്‍ ആര്‍ക്കും നല്ല വിജയം കൈവരിക്കാനുമെന്നതിന്റെ ഉത്തമ ഉദാഹമരണമാണ് ശ്രീനാഥിന്റെ വിജയമെന്നും പുതിയ തലമുറയ്ക്ക് ദര്‍ശന നല്‍കുന്ന പ്രചോദനവും ശ്ലാഘനീയമാണ് എന്നും അവാര്‍ഡ് സമ്മേളനം ഉദ്ഘാടന ചെയ്ത് ഉമ്മന്‍ചാണ്ടി പറഞ്ഞു. ഐ.ഐ.ടി കാണ്‍പൂര്‍ നടത്തിയ ടെക്കൃതി ഓപ്പണ്‍ സ്‌കൂള്‍ ചാമ്പ്യന്‍ഷിപ്പില്‍ ദേശീയ തലത്തില്‍ ഒന്നാം റാങ്കിനര്‍ഹനായ ദര്‍ശന അക്കാദമിയിലെ എന്‍ജിനീയറിങ് എന്‍ട്രന്‍സ് വിദ്യാര്‍ഥിയും ബേക്കര്‍ വിദ്യാപീഠില്‍ പ്ലസ്ടു പഠിക്കുന്ന ബി. ശ്രീനാഥിനെ കോട്ടയം പൗരാവലി ആദരിച്ചു.
രാഷ്ട്രദീപിക മാനേജിങ് ഡയറക്ടര്‍ മോണ്‍. ഡോ. മാണി പുതിയിടം അധ്യക്ഷനായി. തിരുവഞ്ചൂര്‍ രാധാകൃഷ്ണന്‍ എം.എല്‍.എ സെന്റ് ചാവറ മെമ്മോറിയല്‍ സ്‌കോളര്‍ഷിപ്പ് അവാര്‍ഡുകള്‍ വിതരണം ചെയ്തു. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് മനോരമ മോഡല്‍ പരീക്ഷാ വിജയികള്‍ക്ക് സമ്മാനം നല്‍കി. നഗരസഭാ വൈസ് ചെയര്‍പേഴ്‌സണ്‍ ജാന്‍സി ജേക്കബ്, സി. പി. ഐ സംസ്ഥാന എക്‌സിക്യൂട്ടീവ് അംഗം അഡ്വ. വി. ബി. ബിനു, വിദ്യാപീഠ് പ്രിന്‍സിപ്പാള്‍ പ്രൊഫ. ജോസഫ് തോമസ്, മലയാള മനോരമ സര്‍ക്കുലേഷന്‍ ഡെപ്യൂട്ടി മാനേജര്‍ സുനില്‍ ഉമ്മന്‍ മാത്യൂ,  ദര്‍ശന അക്കാദമി ഡയറക്ടര്‍ ഫാ. തോമസ് പുതുശ്ശേരി,  സാംസ്‌കാരിക കേന്ദ്രം ഡയറക്ടര്‍ ഫാ. ജസ്റ്റിന്‍ കാളിയാനിയില്‍, മാത്യു കൊല്ലമലക്കരോട്ട് സംസാരിച്ചു.