കോട്ടയം: മാധ്യമപ്രവര്‍ത്തകര്‍ക്കു പുതിയ വേജ് ബോര്‍ഡ് പ്രഖ്യാപിക്കണമെന്നാവശ്യപ്പെട്ടും ദൃശ്യമാധ്യമ പ്രവര്‍ത്തകരെ വേജ് ബോര്‍ഡിന്റെ പരിധിയില്‍ ഉള്‍പ്പെടുത്തണമെന്നാവശ്യപ്പെട്ടും കേരള പത്രപ്രവര്‍ത്തക യൂനിയന്‍ ജില്ലാ കമ്മിറ്റിയുടെയും കേരള ന്യൂസ് പേപ്പര്‍ എംപ്ലോയിസ് അസോസിയേഷന്റെയും സംയുക്താഭിമുഖ്യത്തില്‍ ഇന്നു രാവിലെ കോട്ടയം ഹെഡ് പോസ്റ്റ്  ഓഫിസിനു  മുമ്പില്‍ ധര്‍ണ നടത്തും.  സി.ഐ.ടി.യു. ജില്ലാ സെക്രട്ടറി ടി.ആര്‍. രഘുനാഥന്‍ ഉദ്ഘാടനം ചെയ്യും. രാവിലെ 10ന്  കോട്ടയം പ്രസ്‌ക്ലബില്‍നിന്നും ഹെഡ് പോസ്റ്റ് ഓഫിസിലേയ്ക്കു പ്രകടനം നടത്തും.