മട്ടന്നൂര്‍: ചാവശ്ശേരി വളോറയില്‍ ബൈക്ക് നിയന്ത്രണം വിട്ടു കുഴിയില്‍ വീണ് യുവാക്കള്‍ക്ക് പരുക്ക്. നരയംപാറ വളയില്‍  ശാഫി ( 24), റമീസ് (25) എന്നിവര്‍ക്കാണ് പരുക്കേറ്റത്. ഇന്നലെ രാത്രി പത്തോടെ മട്ടന്നൂരില്‍ നിന്ന് കടയടച്ച് വരവേയാണ് സംഭവം. കെ.എസ്.ടി.പി റോഡ് പണിയുടെ ഭാഗമായുള്ള കലുങ്ക് കുഴിയിലേക് വീണാണ് അപകടത്തില്‍പെട്ടത്. മുന്നറിയിപ്പു ബോര്‍ഡ് സ്ഥാപിക്കാത്തതുമൂലം ഈ മേഖലയില്‍ അപകടം പതിവായിരിക്കുകയാണ്. പരുക്കേറ്റവരെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.