മലപ്പുറം: മലപ്പുറം കാളികാവില്‍ സ്വകാര്യബസ് മറിഞ്ഞ് 16 പേര്‍ക്ക് പരുക്ക്. കല്ലാമൂല പാലത്തിന് സമീപം 12.45ഓടെയാണ് അപകടം. അപകടത്തില്‍ പരുക്കേറ്റവരെ സമീപത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്. കാളികാവില്‍ നിന്നും നിലമ്പൂരിലേക്ക് പോവുകയായിരുന്ന യു.കെ.ബി ബസാണ് അപകടത്തില്‍പ്പെട്ടത്. ബസ്സിന്റെ ബ്രേക്ക് ജാമായതോടെയാണ് നിയന്ത്രണംവിട്ട് ബസ് റോഡില്‍ മറിഞ്ഞത്.