ചക്കരക്കല്‍: ക്ഷേത്രങ്ങളില്‍ ഭണ്ഡാരങ്ങള്‍ കവര്‍ച്ച നടത്തുന്ന കേസില്‍ അറസ്റ്റിലായ പ്രതി റിമാന്‍ഡില്‍. പാനേരിച്ചാല്‍ സ്വദേശി കെ അസ്‌കറിനെയാണ് (45) ചക്കരക്കല്‍ പൊലിസ് കഴിഞ്ഞ ദിവസം അറസ്റ്റു ചെയ്തത്. ഇരിവേരി പുലിദേവക്ഷേത്രം, ഏച്ചൂര്‍ കോട്ടം ശിവക്ഷേത്രം, കോട്ടം റോഡ് മുത്തപ്പന്‍ ക്ഷേത്രം, കാനച്ചേരി ശ്രീ കൂറുമ്പക്കാവ് ക്ഷേത്രം, കണയന്നൂര്‍ ശങ്കരനാരായണ ക്ഷേത്രം, മുരിങ്ങേരി ചെട്ട്യഞ്ചാല്‍ ശിവക്ഷേത്രം എന്നിവിടങ്ങളിലാണ് ഇയാള്‍ കവര്‍ച്ച നടത്തിയത്. രഹസ്യവിവരം ലഭിച്ചതിനെ തുടര്‍ന്നാണു ചക്കരക്കല്‍ എസ്.ഐ ബിജുവും സംഘവും ഇയാളെ അറസ്റ്റ് ചെയ്തത്.
എസ്.ഐക്കൊപ്പം സി.പി.ഒമാരായ ഷനില്‍, പ്രവീണ്‍, സുജീഷ് എന്നിവരും അന്വേഷണ സംഘത്തിലുണ്ടായിരുന്നു.