തിരുവനന്തപുരം: കോണ്‍ഗ്രസ് നേതാവ് വി.എം സുധീരന്റെ വീട്ടുവളപ്പില്‍ കൂടോത്രപ്രയോഗം.

ഇന്നലെ രാവിലെ വീടിനോടു ചേര്‍ന്നുള്ള തോട്ടത്തിലെ ഒരു വാഴച്ചുവട്ടിലാണ് കൂടോത്രത്തിന് ഉപയോഗിച്ചതെന്ന് കരുതുന്ന സാമഗ്രികള്‍ കുപ്പിയില്‍ അടക്കംചെയ്ത നിലയില്‍ കണ്ടെത്തിയത്.
തകിടുകള്‍, ആള്‍രൂപം, ശൂലങ്ങള്‍, അവ്യക്തമായ ലിഖിതമുള്ള ചെമ്പു തകിടുകള്‍, വെള്ളക്കല്ലുകള്‍ എന്നിവയാണ് കുപ്പിയില്‍ കണ്ടെത്തിയത്.
ഇവയെല്ലാം പൊലിസിനു കൈമാറി.ഒന്‍പതാം തവണയാണ് ഇതുപോലെയുള്ളത് വീട്ടില്‍ കണ്ടെത്തുന്നതെന്നും ഈ പരിഷ്‌കൃത കാലത്തും ഇത്തരം വേലത്തരങ്ങളുമായി ഇറങ്ങിത്തിരിക്കുന്നവരെക്കുറിച്ച് നമുക്ക് സഹതപിക്കാമെന്ന് സുധീരന്‍ ഫേസ്ബുക്കില്‍ കുറിച്ചു.