കല്‍പ്പറ്റ: വയനാട് പ്രീമിയര്‍ ലീഗ് കിരീടം നോവ അരപ്പറ്റക്ക്. പ്രഥമ കിരീടം ചൂടി ചരിത്രത്തിലിടം നേടിയ നോവ കിരീടത്തിലും സാസ്‌കിനോട് കടപ്പെടണം.
29ാം മിനിറ്റില്‍ നോവയുടെ പെരേരയുടെ ക്രോസ് രക്ഷപ്പെടുത്താനുള്ള ശ്രമത്തിനിടെ സാസ്‌ക് പ്രതിരോധതാരം ലെജീഷിന്റെ കാലില്‍ തട്ടി വലയില്‍ കയറിയ ഗോളിന്റെ പിന്‍ബലമാണ് നോവക്ക് കിരീട്ട നേട്ടം സമ്മാനിച്ചത്. കാണികളാല്‍ നിറഞ്ഞ സ്‌റ്റേഡിയത്തില്‍ ഇരു ടീമുകളും നിരവധി അവസരങ്ങള്‍ കളഞ്ഞുകുളിച്ചു.
ഗോളെന്നുറച്ച പല മുന്നേറ്റങ്ങളും മുന്നേറ്റത്തിലെ മൂര്‍ച്ചക്കുറവ് കൊണ്ട് നിഷ്ഫലമായി. ഇരു ടീമുകളും മികച്ച പ്രകടനം പുറത്തെടുത്തെങ്കിലും ഗോള്‍ മാത്രം ഒഴിഞ്ഞു നില്‍ക്കുകയായിരുന്നു. സാസ്‌കിന്റെ കഴിഞ്ഞ രണ്ട് മത്സരങ്ങളിലെയും മിന്നുംതാരം കുംസന്റെ അഭാവം കളിയില്‍ നിഴലിച്ചുകണ്ടു