കുന്ദമംഗലം: മലബാര്‍ ഗ്രൂപ്പിന്റെ കുറ്റിക്കാട്ടൂരിനടുത്ത് വെള്ളക്കാട് താഴത്ത് 20 ഏക്കറോളംവരുന്ന റബര്‍ എസ്‌റ്റേറ്റില്‍ വന്‍ അഗ്നിബാധ. രണ്ടേക്കര്‍ സ്ഥലത്തെ അടിക്കാടുകള്‍ തീപിടിത്തത്തില്‍ പൂര്‍ണമായും കത്തിനശിച്ചു.
വൈകിട്ട് നാലോടെയാണ് തീപിടിത്തമുണ്ടായത്. വെള്ളിമാടുകുന്ന് ഫയര്‍ഫോഴ്‌സിന്റെ അസ്സിസ്റ്റന്റ് സ്‌റ്റേഷന്‍ ഓഫിസര്‍ കെ.പി ബാബുരാജിന്റെയും ലീഡിങ് ഫയര്‍മാന്‍ കമലാക്ഷന്റെയും നേതൃത്വത്തില്‍ എത്തിയ രണ്ട് യൂനിറ്റ് തീ നിയന്ത്രണ വിധേയമാക്കി.
ഫയര്‍ഫോഴ്‌സ് ജീവനക്കാരുടെ സമയോചിത പ്രവര്‍ത്തനം മൂലം സമീപത്തെ വീടുകളിലേക്ക് തീപടരുന്നത് തടയാന്‍ സാധിച്ചു. രണ്ടര മണിക്കൂറോളം നീണ്ട പരിശ്രമത്തിനൊടുവില്‍ തീ പൂര്‍ണമായും അണച്ചു.
ഫയര്‍മാന്‍മാരായ പി.കെ ബാബു, ബാലു മഹേന്ദ്ര, വിപിന്‍, ബിബിന്‍ വര്‍ഗീസ്, ബിനീഷ്, ഇര്‍ഷാദ്, ഷൈജു, അനീഷ്, ഹോം ഗാര്‍ഡുമാരായ രാധാകൃഷ്ണന്‍, തോമസ് ജോണ്‍ എന്നിവര്‍ പങ്കെടുത്തു.