എടച്ചേരി: മുതുവടത്തൂരില്‍ നടക്കുന്ന വോളിബോള്‍ മേളയുടെ സ്വാഗത സംഘം ഓഫിസ് ഉദ്ഘാടനം ചെയ്തു. ചാലഞ്ചേഴ്‌സ് ആര്‍ട്‌സ് & സ്‌പോര്‍ട്‌സ് ക്ലബിന്റെ ആഭിമുഖ്യത്തില്‍ ഏപ്രില്‍ 10 മുതല്‍ 17 വരെ മുതുവടത്തൂര്‍ എം.യു.പി സ്‌കൂളില്‍ ഗ്രൗണ്ടണ്ടിലാണ് ഓപണ്‍ കേരള വോളിമേള നടത്തുന്നത്. പ്രദേശത്തെ കലാകായിക പ്രേമികളുടെ ചിരകാല സ്വപ്നമായ   സ്റ്റേഡിയം നിര്‍മാണത്തിന്റെ ധനശേഖരണാരണാര്‍ഥമാണ് മേള സംഘടിപ്പിക്കുന്നത്.
പ്രഥമ ദ്രോണാചാര്യ അവാര്‍ഡ് ജേതാവ് കോച്ച് ഒ.എം നമ്പ്യാര്‍ സ്വാഗതസംഘം ഓഫിസിന്റെ ഉദ്ഘാടനം നിര്‍വഹിച്ചു. പി. ഹരീന്ദ്രനാഥ് അധ്യക്ഷനായി .
 ലോഗോ പ്രകാശനം ജില്ലാ പഞ്ചായത്ത് മെമ്പര്‍ ഷൈലജ നിര്‍വഹിച്ചു. വാര്‍ഡ് മെമ്പര്‍ ഷൈനി മലയില്‍ ലോഗോ ഏറ്റുവാങ്ങി. ആദ്യ ടിക്കറ്റ് വില്‍പനയുടെ ഉദ്ഘാടനം പഞ്ചായത്ത് മെമ്പര്‍ എ.കെ പി റംല വളപ്പില്‍ അബ്ദുല്ല ഹാജിക്ക് നല്‍കി നിര്‍വഹിച്ചു.
 രാഷ്ട്രീയ പാര്‍ട്ടി പ്രതിനിധികളായ സി.കെ ഇബ്രാഹിം, പി. അജിത്ത്, എം. രാജന്‍, പ്രഭാകരന്‍ മാസ്റ്റര്‍, മനോജ്, സതീന്ദ്രന്‍ സംസാരിച്ചു. കണ്‍വീനര്‍ സൂപ്പി മാസ്റ്റര്‍ സ്വാതവും ബവീഷ് നന്ദിയും പറഞ്ഞു.