മലപ്പുറം: സുന്നി മഹല്ല് ഫെഡറേഷനു കീഴില്‍ സംഘടിപ്പിക്കുന്ന ജംഇയ്യത്തുല്‍ ഖുത്വബാഇന്റെ പ്രഥമ സംഗമവും കമ്മിറ്റി രൂപീകരണവും നാളെ രാവിലെ 10.30ന് ചെമ്മാട് ദാറുല്‍ഹുദാ ഇസ്‌ലാമിക്  യൂനിവേഴ്‌സിറ്റിയില്‍ നടക്കും. ജില്ലയിലെ എസ്.എം.എഫ്  ഓര്‍ഗനൈസര്‍മാരുടെയും പഞ്ചായത്ത് സെക്രട്ടറിമാരുടെയും സഹായത്തോടെയാണ് മുഴുവന്‍ ഖത്വീബുമാരുടെയും വിവരങ്ങള്‍ ശേഖരിച്ചത്. സംഗമത്തില്‍ സയ്യിദ് റഷീദലി ശിഹാബ് തങ്ങള്‍ അധ്യക്ഷനാകും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, സയ്യിദ്  മുഹമ്മദ് കോയ തങ്ങള്‍ ജമലുല്ലൈലി, കെ.എ റഹ്മാന്‍ ഫൈസി, അബ്ദുസ്സമദ് പൂക്കോട്ടൂര്‍, പി.  കുഞ്ഞാണി മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, എസ്.എം.എഫ് ജില്ലാ കമ്മിറ്റി ഭാരവാഹികള്‍, അംഗങ്ങള്‍ പങ്കെടുക്കും.