എടച്ചേരി: നാദാപുരത്തിടുത്ത് കക്കം വെള്ളിയില്‍ ഉണ്ടായ വാഹന അപകടത്തില്‍ ജ്വല്ലറി ജീവനക്കാരന് പരുക്കേറ്റു. നാദാപുരം ഇഷാനഗോള്‍ഡിലെ ജീവനക്കാരനായ കൊയിലാണ്ടി സ്വദേശി ചന്ദ്രനാഥിനാണ് പരുക്കേറ്റത്. ഇന്ന് കാലത്ത് 9.30 ന് കക്കം വെള്ളി വണ്ണാറത്ത് ജുമാ മസ്ജിദിന് സമീപത്താണ് അപകടം നടന്നത്.

കൊയിലാണ്ടിയില്‍ നിന്ന് നാദാപുരത്തേക്ക് സ്‌കൂട്ടറില്‍ സഞ്ചരിക്കുകയായിരുന്ന ചന്ദ്രനാഥിനെ എതിര്‍ദിശയില്‍ നിന്ന് വന്ന സ്വിഫ്റ്റ് കാര്‍ ഇടിക്കുകയായിരുന്നു. നമ്പര്‍ പ്ലേറ്റിന് പകരം രജിസ്റ്റേഡ് സ്റ്റിക്കര്‍ ഒട്ടിച്ചകാര്‍ മറ്റൊരു വാഹനത്തെ മറികടക്കാനുള്ള ശ്രമത്തില്‍ റോങ്ങ് സൈഡിലാണ് സ്‌കൂട്ടറില്‍ ഇടിച്ചത്. സ്‌കൂട്ടറില്‍ ഇടിച്ചകാര്‍ തൊട്ടുമുമ്പിലുള്ള വൈദ്യുത തൂണിലിടിച്ചു നില്‍ക്കുകയായിരുന്നു. കാറിന്റെ മുന്‍ഭാഗം നിശ്ശേഷം തകര്‍ന്നിട്ടുണ്ട്. കാര്‍ ഓടിച്ചയാളിനെ കുറിച്ച് വിവരമൊന്നും ലഭിച്ചിട്ടില്ല.