നിലമ്പൂര്‍: വേനല്‍ കടുത്തതോടെ യാത്രക്കാരുടെ എണ്ണത്തിലുണ്ടായ കുറവ് സ്വകാര്യ ബസുകളുടേയും കെ.എസ്.ആര്‍.ടി.സി ബസുകളുടേയും കളക്ഷനെ സാരമായി  ബാധിച്ചു. പൊതുവെ പ്രതിസന്ധി നേരിടുന്ന ബസ് സര്‍വിസുകള്‍ക്കു പെട്ടെന്നുണ്ടായ വരുമാനക്കുറവ് ഏറെ തിരിച്ചടിയായിരിക്കുകയാണ്.
1,200 മുതല്‍ 1,500 രൂപവരെ പ്രതിദിന കളക്ഷനില്‍ കുറവുവരുന്നതായി ബസ് ജീവനക്കാര്‍ പറയുന്നു. രാവിലേയും വൈകിട്ടും ഒഴിച്ചുള്ള സര്‍വിസുകളെയാണ് വേനല്‍ ചൂട് ഏറെ ബാധിച്ചിരിക്കുന്നത്. ജില്ലയില്‍ വേനല്‍ ചൂട് 37-38 ഡിഗ്രിയായി ഉയര്‍ന്നിട്ടുണ്ട്.