പൂക്കോട്ടുംപാടം: റോഡിന്റെ അഴുക്കുചാല്‍ മൂടി വയല്‍ മണ്ണിട്ട് നികത്തുന്നതായി പരാതി. പുതിയക്കോട് ചെറായിയിലാണ് ഭൂവുടമ വയലില്‍ കുഴിക്കുന്ന കുളത്തിലെ മണ്ണ് റോഡിലെ അഴുക്കുച്ചാല്‍ മൂടുന്ന രീതിയില്‍  തൊടുത്ത വയലില്‍ മണ്ണ് നിറയ്ക്കുന്നത്. പാടം നികത്തുന്നതോടൊപ്പം അഴുക്കുചാലും മൂടിയതോടെയാണ്  നാട്ടുകാര്‍ രംഗത്തെത്തിയത്. വാര്‍ഡ്ംഗം പി.എം ബിജുമോന്റെ നേതൃത്വത്തില്‍ പഞ്ചായത്ത്, വില്ലേജ് അധികൃതര്‍ക്ക് പരാതി നല്‍കി. അമരമ്പലം വില്ലേജ് ഓഫിസര്‍ ബിനു സ്ഥലം സന്ദര്‍ശിച്ചു. മണ്ണ് നീക്കംചെയ്യാന്‍ സ്ഥലം ഉടമയ്ക്കു നോട്ടീസ് നല്‍കിയിട്ടുണ്ട്.