മുക്കം: മൊയ്തീന്‍കോയ ഹാജി മെമ്മോറിയല്‍ മുക്കം മുസ്‌ലിം ഓര്‍ഫനേജ് ഹയര്‍ സെക്കന്‍ഡറി സ്‌കൂളിലെ പൂര്‍വ വിദ്യാര്‍ഥി-അധ്യാപക സംഗമം ശ്രദ്ധേയമായി.
1964 മുതല്‍ 2017 വരെയുള്ള പൂര്‍വ വിദ്യാര്‍ഥികളും അധ്യാകരുമാണ് സ്‌കൂള്‍ അങ്കണത്തില്‍ ഒത്തുകൂടിയത്. മുക്കം ഓര്‍ഫനേജിലെ അന്തേവാസിയും പൂര്‍വ വിദ്യാര്‍ഥിയുമായ നാഗാലാന്റ് കിഫ്‌രെ ജില്ലാ കലക്ടര്‍ മുഹമ്മദലി ശിഹാബ് സംഗമം ഉദ്ഘാടനം ചെയ്തു.
സംഘാടക സമിതി ചെയര്‍മാന്‍ പി.എം ഹബീബ് റഹ്മാന്‍ അധ്യക്ഷനായി. ഓര്‍ഫനേജ് ജനറല്‍ സെക്രട്ടറി വി.ഇ മോയിമോന്‍ ഹാജി മുഖ്യ പ്രഭാഷണം നടത്തി.
മത സൗഹാര്‍ദ ചിത്രം മുക്കം നഗരസഭാ ചെയര്‍മാന്‍ വി. കുഞ്ഞന്‍ മാസ്റ്റര്‍ പ്രകാശനം ചെയ്തു. മതസൗഹാര്‍ദ സംരക്ഷണ പ്രതിജ്ഞയും അദ്ദേഹം ചൊല്ലിക്കൊടുത്തു.
വി. ഉമ്മര്‍കോയ ഹാജി, സി. മൂസ, ബഷീര്‍ കേന്ദ്രം സംസാരിച്ചു. തുടര്‍ന്ന് നടന്ന മതസൗഹാര്‍ദ സമ്മേളനത്തില്‍ മുഹമ്മദ് ഷഫീഖ് ഹുദവി തറയിട്ടാല്‍, മുക്കം പ്രസ് ഫോറം പ്രസിഡന്റ് എ.പി മുരളീധരന്‍ മാസ്റ്റര്‍, ഫാദര്‍ ജേക്കബ് പുത്തന്‍പുര സംസാരിച്ചു.