കോഴിക്കോട്: ആദര്‍ശ വിശുദ്ധിയുടെ 100ാം വര്‍ഷം സമസ്ത ആദര്‍ശ കാംപയിനിന്റെ ഭാഗമായി എസ്.കെ.എസ്.എസ്.എഫ് ജില്ലാ പൈതൃക മുന്നേറ്റ യാത്രക്ക് ഇന്ന് വൈകിട്ട് അഞ്ചിന് കുറ്റ്യാടിയില്‍ റാലിയോടെ തുടക്കമാകും. സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. ടി.വി.സി അബ്ദുസമദ് ഫൈസി അധ്യക്ഷനാകും. ആറിന് ചേലക്കാടും ഏഴിന് വാണിമേലിലും പര്യടനം നടത്തി എട്ടിന് എടച്ചേരിയില്‍ സമാപിക്കും ചേലക്കാട് മുഹമ്മദ് മുസ്‌ലിയാര്‍ സപ്ലിമെന്റ് പ്രകാശനം ചെയ്യും. പാറക്കല്‍ അബ്ദുല്ല എം.എല്‍.എ അതിഥിയായി സംബന്ധിക്കും.
കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി യാത്രാനായകന്‍ സയ്യിദ് മുബശ്ശിര്‍ തങ്ങള്‍ക്ക് പതാക കൈമാറി. മജീദ് ദാരിമി ചളിക്കോട്, ടി.പി സുബൈര്‍ മാസ്റ്റര്‍ കുറ്റിക്കാട്ടൂര്‍, ഒ.പി അഷ്‌റഫ് കുറ്റിക്കടവ്, ഖാസിം നിസാമി പേരാമ്പ്ര, നൂറുദ്ധീന്‍ ഫൈസി മുണ്ടുപാറ, അലി അക്ബര്‍ മുക്കം, റഫീഖ് മാസ്റ്റര്‍ പെരിങ്ങൊളം, ത്വാഹ യമാനി മാറാട്, ഹിളര്‍ റഹ് മാനി എടച്ചേരി, പി.ടി മുഹമ്മദ് കാദിയോട്, അന്‍വര്‍ നല്ലളം, യഹ്‌യ വെള്ളയില്‍,ജുനൈദ് മാങ്കാവ്, ഫര്‍ഷാദ് പയ്യാനക്കല്‍ സംബന്ധിച്ചു.