പരപ്പനങ്ങാടി: 2014-15 വര്‍ഷത്തില്‍ ജില്ലാ പഞ്ചായത്ത് ഫണ്ട് ഉപയോഗിച്ച് നിര്‍മിച്ച് മുന്‍മന്ത്രി പി.കെ അബ്ദുറബ്ബ് ഉദ്ഘാടനം നിര്‍വഹിച്ച പാലത്തിങ്ങലിലെ പകല്‍വീട് ഇതുവരെയും തുറന്ന് കൊടുക്കാത്തതില്‍ പ്രതിഷേധിച്ച് പാലത്തിങ്ങല്‍ ടൗണ്‍ യൂത്ത് കോണ്‍ഗ്രസ് കമ്മിറ്റി പ്രകടനം നടത്തി.
തുടര്‍ന്ന് അടഞ്ഞുകിടക്കുന്ന പകല്‍ വീടിനു മുന്നില്‍ പ്രതിഷേധ റീത്തും സമര്‍പ്പിച്ചു. യൂത്ത് കോണ്‍ഗ്രസ് മണ്ഡലം പ്രസിഡന്റ് എ ശ്രീജിത്ത് മാസ്റ്റര്‍ ഉദ്ഘാടനം ചെയ്തു. സി.ടി ഷൈജു അധ്യക്ഷനായി.
സുധീഷ് അറ്റത്തങ്ങാടി, സത്യന്‍ പാലത്തിങ്ങല്‍, പി.സി അനീഷ്, ശഫീഖ് ഉള്ളണം സംസാരിച്ചു. പി.സി അഭിലാഷ്, പി സുജിത്ത്, പി അഭിലാഷ്, എ പ്രദീപ്, റഫീഖ് കൈറ്റാല, ഹര്‍ഷല്‍ പ്രകടനത്തിന് നേതൃത്വം നല്‍കി.