വള്ളിക്കുന്ന്: ഗ്രാമപഞ്ചായത്തിലെ ഏഴാം  വാര്‍ഡില്‍ പെട്ട കാഞ്ഞിര പൊറ്റ അടിക്കല്‍ക്കുളം ജനകീയ കൂട്ടയ്മയില്‍ നവീകരിച്ചു. ചവറങ്ങാട്ടു  കുടുംബക്കാര്‍ പൊതുവായി മാറ്റിനിര്‍ത്തിയ കുളം പണ്ടുകാലം മുതല്‍ തന്നെ തദ്ദേശവാസികള്‍  ഉപയോഗിച്ച് പൊരുന്നതാണ്.
കുളം നവീകരിക്കുന്നതിനായി നിരവധി തവണ പഞ്ചായത്തിനെ  സമീപിച്ചിരുന്നെങ്കിലും നടപടിയുണ്ടായിട്ടില്ലെന്നു നാട്ടുകാര്‍ പറഞ്ഞു.
തുടര്‍ന്നാണ് പ്രദേശത്തെ കനിവ്  സാമൂഹിക സംസാകാരിക പ്രവര്‍ത്തകര്‍ ശ്രമദാനത്തിലൂടെ കുളം നവീകരിക്കാന്‍ മുന്നോട്ടുവന്നത്. നവീകരണ പ്രവൃത്തി പഞ്ചായത്ത ഗം അജയ്‌ലാല്‍ ഉദ്ഘാടനം ചെയ്തു. കെ ചാരു, സി കരുണാകരന്‍, ടി.കെ കൃഷ്ണന്‍, വി റോഷന്‍, കെ.ഇ ജിനേഷ്, പി പ്രസന്നകുമാര്‍ നേതൃത്വം നല്‍കി.