പോര്‍ട്ട് ഓ പ്രിന്‍സ്: വടക്കന്‍ ഹെയ്തിയിലെ ഗോണായിവസില്‍ നിയന്ത്രണം വിട്ട ബസ് ആള്‍ക്കൂട്ടത്തിനിടയിലേക്ക് ഇടിച്ചുകയറി 34 പേര്‍ മരിച്ചു. നിരവധിയാളുകള്‍ക്ക് പരുക്കേറ്റിട്ടുണ്ട്.

ഹെയ്തിയുടെ തലസ്ഥാനമായ പോര്‍ട്ട് ഓ പ്രിന്‍സില്‍ നിന്ന് 150 കിലോമീറ്റര്‍ അകലെയാണ് സംഭവം. അപകടത്തിനു ശേഷം ബസ് ഡ്രൈവര്‍ ഓടി രക്ഷപ്പെട്ടു. നിയന്ത്രണം വിട്ട ബസ് ഫൂട്പാത്തിലൂടെ സഞ്ചരിക്കുന്നവരെയും തെരുവില്‍ സംഗീതപരിപാടി നടത്തുകയായിരുന്ന മ്യൂസിക് ബാന്‍ഡ് സംഘത്തിനു നേരെയും ഇടിക്കുകയായിരുന്നു. പരുക്കേറ്റവരെ രക്ഷാപ്രവര്‍ത്തകര്‍ ഉടന്‍ ആശുപത്രിയില്‍ പ്രവേശിപ്പിച്ചു. പോര്‍ട്ട് ഓ പ്രിന്‍സിലേക്ക് പോവുകയായിരുന്ന ബസാണ് അപകടത്തില്‍പ്പെട്ടത്.