ശ്രീലങ്കന്‍ സൂപ്പര്‍ താരം വനിന്ദു ഹസരംഗയ്ക്ക് പകരക്കാരനായി ലെഗ് സ്പിന്നര്‍ വിജയകാന്ത് വ്യാസകാന്തിനെ ടീമിലെത്തിച്ച് സണ്‍റൈസേഴ്‌സ് ഹൈദരാബാദ് . അടിസ്ഥാന വിലയായ 50 ലക്ഷം രൂപയ്ക്കാണ് അദ്ദേഹവുമായി കരാറില്‍ ഏര്‍പ്പെട്ടിരിക്കുന്നത്.
22 കാരനായ  വിജയകാന്ത്, രാജ്യാന്തര തലത്തില്‍ ഒരു ടി20ഐ മാത്രമാണ് ഇതുവരെ കളിച്ചത്. കഴിഞ്ഞ വര്‍ഷം അഫ്ഗാനിസ്ഥാനെതിരെയായിരുന്നു അത്.

എന്നാല്‍ യുഎഇയില്‍ അടുത്തിടെ സമാപിച്ച ഇന്റര്‍നാഷണല്‍ ലീഗ് ടി20 ടൂര്‍ണമെന്റില്‍ എംഐ എമിറേറ്റ്‌സിനെ പ്രതിനിധീകരിച്ച് അദ്ദേഹം നാല് മത്സരങ്ങള്‍ കളിച്ചു. അതില്‍ 10.87 ശരാശരിയിലും 5.43 ഇക്കോണമിയിലും എട്ട് വിക്കറ്റ് വീഴ്ത്തി. ഈ പ്രകടനമാണ് അദ്ദേഹത്തിന് ഐപിഎല്ലിലേക്ക് വഴി തുറന്നത്. നേരത്തെ പരിക്കിനെത്തുടര്‍ന്നായിരുന്നു ഹസരംഗ ഐപിഎല്ലില്‍ നിന്ന് പുറത്തായത്.