കൊപ്പം: അര്‍ഹരായ വിദ്യാര്‍ഥികള്‍ക്ക്  പ്രഭാത ഭക്ഷണം നല്‍കുന്ന 'അക്ഷയ പാത്രം' പരിപാടിക്ക് മണ്ണേങ്ങോട് എ.യു.പി.സ്‌കൂളില്‍ തുടക്കമായി. വിവിധ കാരണങ്ങളാല്‍ പ്രഭാത ഭക്ഷണം കഴിക്കാതെ സ്‌കൂളില്‍ വരുന്ന ഇരുനൂറില്‍ പരം വിദ്യാര്‍ഥികള്‍ക്ക് ഇനി 'അക്ഷയ പാത്ര'ത്തിലൂടെ ഭക്ഷണം കഴിക്കാം. സ്‌കൂള്‍ മാനേജര്‍, പി.ടി.എ, സ്‌കൂള്‍ അധ്യാപകര്‍ നാട്ടുകാര്‍ എന്നിവരെ പരിപാടിയില്‍ പങ്കെടുത്ത ജനപ്രതിനിധികള്‍ അഭിനന്ദിച്ചു.
ഉദ്ഘാടന ദിവസത്തില്‍ മുഴുവന്‍ വിദ്യാര്‍ഥികള്‍ക്കും ഭക്ഷണം നല്‍കി. ജില്ലാ പഞ്ചായത്ത് വൈസ് പ്രസിഡന്റ് ടി.കെ.നാരായണദാസ് പദ്ധതിയുടെ ഉദ്ഘാടനം നിര്‍വഹിച്ചു. ബ്ലോക്ക് പഞ്ചായത്ത് പ്രസിഡന്റ് കമ്മുക്കുട്ടി എടത്തോള്‍ അധ്യക്ഷനായി. കെ.സി. ഗോപാലകൃഷ്ണന്‍, കെ. കൃഷ്ണകുമാര്‍, ഉസ്മാന്‍, കമറുന്നീസ, എം. കൃഷ്ണദാസന്‍, എം.പി.നാരായണന്‍, എം. പരമേശ്വരന്‍, പി. ശോഭന പ്രസംഗിച്ചു.