കാസര്‍കോട്: വിവാഹ ചടങ്ങിനിടെ ഓഡിറ്റോറിയത്തില്‍ സംഘര്‍ഷം. രണ്ടുപേര്‍ക്ക് പരുക്കേറ്റു. ഇന്നലെ ഉച്ചക്ക് മുഗു എം.എ ഓഡിറ്റോറിയത്തിലാണ് സംഘര്‍ഷമുണ്ടായത്. മുന്‍പ് ഓഡിറ്റോറിയത്തില്‍ നടന്ന വിവാഹ ചടങ്ങില്‍ ഭക്ഷണം വിതരണം ചെയ്യാനെത്തിയവര്‍ക്ക് കൂലി നല്‍കാത്തതുമായി ബന്ധപ്പെട്ട പ്രശ്‌നമാണ് ഇന്നലെ മറ്റൊരു വിവാഹ ചടങ്ങില്‍ അക്രമത്തില്‍ കലാശിച്ചതെന്ന് കുമ്പള പൊലിസ് പറഞ്ഞു.
പുറത്തുനിന്ന് വന്ന സംഘവും ഓഡിറ്റോറിയത്തില്‍ ഭക്ഷണം വിതരണം ചെയ്തിരുന്നവരും തമ്മിലാണ് സംഘര്‍ഷമുണ്ടായത്. തുടര്‍ന്ന് വിവാഹ ചടങ്ങിനെത്തിയവര്‍ ഇതിനെ ചോദ്യം ചെയ്യുകയായിരുന്നു. ഇതാണ് കൂട്ടത്തല്ലില്‍ കലാശിച്ചത്. വിവരമറിഞ്ഞ് കുമ്പള എസ്.ഐ ശിവദാസന്റെ നേതൃത്വത്തിലെത്തിയ പൊലിസ് അക്രമികളെ ലാത്തി വീശി വിരട്ടിയോടിച്ചത്. സംഭവവുമായി ബന്ധപ്പെട്ട അഞ്ചുപേരെ പൊലിസ് കസ്റ്റഡിയിലെടുത്തു.