തൊഴിയൂര്‍:  എസ്.കെ.എസ്.എസ്.എഫ് തൃശൂര്‍ ജില്ലാ കമ്മിറ്റി മാര്‍ച്ച് 31 മുതല്‍ ഏപ്രില്‍ രണ്ട് വരെ തൃശൂര്‍ ഹുദൈബിയ്യയില്‍ സംഘടിപ്പിക്കുന്ന മദീനാ പാഷന്‍ വന്‍ വിജയമാക്കുന്നതിന് മദ്രസ്സ മാനേജ്‌മെന്റുകളും അധ്യാപകരും കര്‍മ്മരംഗത്തിറങ്ങണമെന്ന് സമസ്ത കേരള മദ്രസ്സ മാനേജ്‌മെന്റ് അസോസിയേഷന്‍ ജില്ലാ കമ്മിറ്റി ആവശ്യപ്പെട്ടു.  മാര്‍ച്ച് 31 ലെ മജ്‌ലിസുന്നൂര്‍ ആത്മീയ സദസ്സും മദീനാ പാഷന്‍ സമാപനത്തോടനുബന്ധിച്ച് ഏപ്രില്‍ രണ്ടിന് നടക്കുന്ന സമസ്ത ആദര്‍ശ വിശദീകരണ സമ്മേളനവും വിജയിപ്പിക്കണമെന്ന് മദ്രസ്സ മാനേജ്‌മെന്റ് അസോസിയേഷന്‍ പ്രസിഡന്റ് മുഹമ്മദ് കുട്ടി ബാഖവി അരിയന്നൂര്‍ ജനറല്‍ സെക്രട്ടറി ത്രീസ്റ്റാര്‍ കുഞ്ഞുമുഹമ്മദ് ഹാജി തുടങ്ങിയവര്‍ ആവശ്യപ്പെട്ടു. സമസ്ത ജില്ലാ ട്രഷറര്‍ പിടി കുഞ്ഞുമുഹമ്മദ് മുസ്്‌ലിയാര്‍ യോഗം ഉദ്ഘാടനം ചെയ്തു.
ബാദുഷ അന്‍വരി, ടി.എസ് മമ്മി ദേശമംഗലം, ഇല്‍യാസ് ഫൈസി, കരീം ഫൈസി പൈങ്കണ്ണിയൂര്‍, സിദ്ദീഖ് ഫൈസി മങ്കര, ശംസുദ്ദീന്‍ കേച്ചേരി, കെ.എം ഉമര്‍, കെ.എം ശറഫുദ്ദീന്‍, പി.എം ഹംസ, എന്‍.കെ അലി തുടങ്ങിയവര്‍ പങ്കെടുത്തു.