കുമ്പള: ഉപ്പള കുക്കാറില്‍ പുനര്‍ നിര്‍മിച്ച ആയിശ മസ്ജിദിന്റെ ഉദ്ഘാടനവും ഐഷല്‍ ഫൗണ്ടേഷന്‍ സമര്‍പ്പണവും ഇന്ന് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
വൈകിട്ട് നാലിന് പാണക്കാട് സയ്യിദ് അബ്ബാസലി ശിഹാബ് തങ്ങള്‍ മസ്ജിദിന്റെ ഉദ്ഘാടനം നിര്‍വഹിക്കും. ചടങ്ങില്‍ കുമ്പോല്‍ കെ.എസ് ആറ്റകോയ തങ്ങള്‍ പ്രാര്‍ഥനക്ക് നേതൃത്വം നല്‍കും.
ഐഷല്‍ ഫൗണ്ടേഷന്‍ സമര്‍പ്പണം എം.പി അബ്ദുല്‍ സമദ് സമദാനി നിര്‍വഹിക്കും. ചടങ്ങില്‍ മത സാമൂഹിക രാഷ്ടീയ മേഖലകളിലെ പ്രമുഖരും ജനപ്രതിനിധികളും സംബന്ധിക്കും. വാര്‍ത്താസമ്മേളനത്തില്‍ എ.കെ.എം അഷ്‌റഫ്, ബഹ്‌റൈന്‍ മുഹമ്മദ്, അലവി തങ്ങള്‍, നാസര്‍, മഹമൂദ് സംബന്ധിച്ചു.