കാസര്‍കോട്: നവവരന്‍ സഞ്ചരിച്ച കാര്‍ നിയന്ത്രണംവിട്ട് തലകീഴായി മറിഞ്ഞു.
അപകടത്തില്‍ കാറോടിച്ചിരുന്ന നവവരന്‍ അത്ഭുതകരമായി രക്ഷപ്പെട്ടു. ഇന്നലെ കാസര്‍കോട് കാഞ്ഞങ്ങാട് കെ.എസ്.ടി.പി പാതയില്‍ ചളിയങ്കോടുവച്ചാണ് അപകടം. കാറോടിച്ചിരുന്ന ചെമ്മനാട് കൊമ്പനടുക്കം സ്വദേശി ഹാഷിമാണ് നിസാര പരുക്കുകളോടെ രക്ഷപ്പെട്ടത്. കഴിഞ്ഞ ദിവസമാണ് ഹാഷിമിന്റെ വിവാഹം കഴിഞ്ഞത്. ഭാര്യാവീട്ടില്‍നിന്ന് മടങ്ങുന്നതിനിടെയാണ് അപകടമുണ്ടായത്. പാതക്കരികിലെ വൈദ്യുതത്തൂണിലിടിച്ച കാര്‍ തലകീഴായി മറിയുകയായിരുന്നു.