കാഞ്ഞങ്ങാട്: കാസര്‍കോട് ജില്ലാ ബാഡ്മിന്റണ്‍ അസോസിയേഷന്റെ കീഴില്‍ സംഘടിപ്പിക്കുന്ന ജില്ലാ ബാഡ്മിന്റണ്‍ (സിംഗിള്‍സ്, ഡബിള്‍സ്) ചാംപ്യന്‍ഷിപ്പിന് നാളെ തുടക്കമാകും. അണ്ടര്‍ 11, 13, 15 (ആണ്‍, പെണ്‍) വിഭാഗം മത്സരം നാളെ രാവിലെ ഒന്‍പതിന് പാലക്കുന്ന് ഗ്രീന്‍വുഡ് പബ്ലിക് സ്‌കൂളില്‍ നടക്കും.
അണ്ടര്‍ 17,19 (ആണ്‍, പെണ്‍) വിഭാഗം മത്സരം ഒന്‍പതിന് രാവിലെ ഒന്‍പത് മുതല്‍ കാഞ്ഞങ്ങാട് എച്ച്.എസ്.ബി.സി ഇന്‍ഡോര്‍ കോര്‍ട്ടില്‍ നടക്കും.
സീനിയര്‍ (ആണ്‍, പെണ്‍) വിഭാഗം മത്സരം 11ന് ഉച്ചക്ക് മൂന്നിന് ചട്ടഞ്ചാല്‍ സി.ബി.സി ഇന്‍ഡോര്‍ കോര്‍ട്ടിലും മാസ്റ്റേര്‍സ്, വെറ്ററന്‍സ് (ആണ്‍ പെണ്‍) വിഭാഗം മത്സരം 13ന് ഉച്ചക്ക് മൂന്നിന് സെന്‍ട്രല്‍ ചിത്താരി സി.എസ്.ബി.സി ഇന്‍ഡോര്‍ കോര്‍ട്ടിലും നടക്കും. ഫോണ്‍: 9400006600, 8606000397.