കരിമ്പ: സമസ്ത പാലക്കാട് ജില്ലാ കമ്മിറ്റിയുടെ ആഭിമുഖ്യത്തില്‍ നാളെ കരിമ്പയില്‍ വെച്ച് നടക്കുന്ന സമസ്ത നേതാക്കള്‍ക്കുള്ള സ്വീകരണ പരിപാടി വിജയിപ്പിക്കാന്‍ കരിമ്പ റെയ്ഞ്ച് ജംഇയ്യത്തുല്‍ മുഅല്ലിമീന്‍ തീരുമാനിച്ചു.
എടക്കുര്‍ശ്ശി എം.യു.എം. മദ്‌റസയില്‍ ചേര്‍ന്ന യോഗത്തില്‍ മുഫത്തിശ് അബ്ദുള്‍ റഷീദ് ഫൈസി അധ്യക്ഷനായി. ഹംസ റഹ്മാനി കാഞ്ഞിരപ്പുഴ മുഖ്യപ്രഭാഷണം നിര്‍വ്വഹിച്ചു. ഹമീദ് ദാരിമി, അന്‍വര്‍ സ്വാദിഖ് ഫൈസി, സലീം മുസ്‌ലിയാര്‍, മുഹമ്മദ് ഫൈസി, സലീം ഫൈസി, മുഹമ്മദ്കുട്ടി ഫൈസി, ടി.കെ. സുബൈര്‍ മുസ്‌ലിയാര്‍, അലി അസ്‌ക്കര്‍, കരീം മുസ്‌ലിയാര്‍ പ്രസംഗിച്ചു. റെയ്ഞ്ച് സെക്രട്ടറി പി.എ. റഹീം ഫൈസി സ്വാഗതവും, ഹബീബ് മുസ്‌ലിയാര്‍ നന്ദിയും പറഞ്ഞു.
2017 ഏപ്രില്‍ 14, 15, 16 തിയ്യതികളില്‍ മണ്ണാര്‍ക്കാട് നടക്കുന്ന എസ്.കെ.എസ്.എസ്.എഫ് ജില്ലാ സമ്മേളനം (മദീന പാഷന്‍) വിജയിപ്പിക്കാനും യോഗത്തില്‍ തീരുമാനിച്ചു.
സ്വീകരണം വിജയിപ്പിക്കാന്‍ എസ്.വൈ.എസ് മണ്ഡലം പ്രവര്‍ത്തക സമിതിയും തീരുമാനിച്ചു. പ്രസിഡന്റ് വി. മുഹമ്മദ് ഫൈസി അധ്യക്ഷനായി. ടി.എച്ച് സുലൈമാന്‍ ദാരിമി ഉദ്ഘാടനം ചെയ്തു.
അബ്ദു റഹീം ഫൈസി, അബ്ദുല്‍ ഹമീദ് ദാരിമി, ടി.കെ സുബൈര്‍ മുസ്‌ലിയാര്‍, ടി.പി ഹംസ ദാരിമി, പി.എസ് അബ്ദുല്‍ കരീം, എ.എം അബ്ദുറഹ്മാന്‍, കെ.സി മുഹമ്മദ് ഫൈസി, എ.എം അശ്കറലി, സി.എച്ച് ലത്വീഫ് ഫൈസി, അബ്ദുല്‍ ഖാദര്‍ പ്രസംഗിച്ചു. എന്‍.എ സലീം ഫൈസി സ്വാഗതവും ഹബീബ് അരപ്പാറ നന്ദിയും പറഞ്ഞു.