മലപ്പുറം: പത്താം ക്ലാസ് വിദ്യാര്‍ഥിനിയുടെ രണ്ടു പുസ്തകങ്ങള്‍ ജില്ലാ ലൈബ്രറി കൗണ്‍സിലിന്റെ പുസ്‌കതകമേളയില്‍ പ്രകാശനം ചെയ്തു. കാളികാവ് അഞ്ചച്ചവടി ഗവ. മോഡല്‍ ഹൈസ്‌കൂളിലെ പത്താം ക്ലാസ് വിദ്യാര്‍ഥിനിയായ ഫാത്തിഹ ബിഷര്‍ രചിച്ച 'അനന്തരം അവനൊരു നക്ഷത്രമായി', 'കുട്ടികളെ അതിശയിപ്പിച്ച കഥകള്‍' എന്നിവയാണ് പ്രകാശിതമായത്.
ചടങ്ങില്‍ ലൈബ്രറി കൗണ്‍സില്‍ സംസ്ഥാന സമിതി അംഗം കെ. പത്മനാഭന്‍ ലൈബ്രറി കൗണ്‍സില്‍ ജില്ലാ സെക്രട്ടറി എന്‍. പ്രമോദ് ദാസിന് നല്‍കിയാണ് പ്രകാശന കര്‍മം നിര്‍വഹിച്ചത്.
ആളൂര്‍ പ്രഭാകരന്‍ അധ്യക്ഷനായി. ജി.കെ രാംമോഹന്‍, വിശ്വന്‍ അരീക്കോട്, ഹംസ ആലുങ്ങല്‍, ബാബു ബാലാള്‍, എം. ശശി സംസാരിച്ചു. ഫാത്തിഹ ബിഷര്‍ മറുപടി പ്രസംഗം നടത്തി. തുടര്‍ന്നു രാധാകൃഷ്ണന്‍ താനൂര്‍ തയാറാക്കിയ ഏകപാത്ര നാടകം അരങ്ങേറി.