തിരൂരങ്ങാടി: എസ്.എസ്.എല്‍.സി പരീക്ഷയില്‍ റെക്കോര്‍ഡ് വിജയം നേടിയ മലപ്പുറം ജില്ലയില്‍ വിജയാനുപാതികമായി പ്ലസ്ടു സീറ്റുകള്‍ വര്‍ധിപ്പിക്കണമെന്നു മുന്‍ വിദ്യഭ്യാസ മന്ത്രി പി.കെ അബ്ദുര്‍റബ്ബ് എം.എല്‍.എ.
യു.ഡി.എഫ് സര്‍ക്കാരിന്റെ കാലത്ത് അത്തരം ശ്രമങ്ങള്‍ നടത്തിയിരുന്നു. പലരും അനാവശ്യ വിവാദങ്ങളുണ്ടാക്കി അവ തടയിടാന്‍ ശ്രമിച്ചെങ്കിലും പരമാവധി അനുവദിക്കുകയും ചെയ്തിരുന്നു. തുടര്‍പനഠനത്തിന് അര്‍ഹത നേടിയ ജില്ലയിലെ 25,000 കുട്ടികളെങ്കിലും സീറ്റില്ലാതെ പുറത്തിരിക്കേണ്ടിവരുമെന്ന അവസ്ഥയാണ്. വിദ്യാര്‍ഥികളുടെ ഭാവി ഇല്ലാതാക്കരുതെന്നും ആവശ്യമായ സീറ്റുകള്‍ അനുവദിക്കുമെന്നാണ് പ്രതീക്ഷയെന്നും അദ്ദേഹം പറഞ്ഞു.