ഒറ്റപ്പാലം: സംഘടനാ ശാക്തീകരണം ലക്ഷ്യം വച്ച് മുന്‍സിപ്പല്‍ എസ്.വൈ.എസ് തംഹീദ് ക്യാംപ് നടത്തി. ഈസ്റ്റ് ഒറ്റപ്പാലം ദാറുല്‍ ഖൈറാത്ത് കാംപസില്‍ നടന്ന ക്യാംപില്‍ എസ്.വൈ.എസ് മണ്ഡലം പ്രസിഡന്റ് ടി.പി അബൂബക്കര്‍ മുസ്‌ലിയാര്‍ ഉദ്ഘാടനം നിര്‍വഹിച്ചു.
മണ്ഡലം വൈസ് പ്രസിഡന്റ് കെ.എം സിറാജുദ്ധീന്‍ മുസ്‌ലിയാര്‍ പ്രാര്‍ഥന നടത്തി.
മണ്ഡലം ജനറല്‍ സെക്രട്ടറി പി.എം യൂസഫ്, ജില്ലാ ഓര്‍ഗനൈസിങ് സെക്രട്ടറി എം.ടി സൈനുല്‍ ആബിദീന്‍ മാസ്റ്റര്‍, എസ്.കെ.എസ്.എസ്.എഫ് ക്ലസ്റ്റര്‍ പ്രസിഡന്റ് സ്വാദിഖ് അന്‍വരി പ്രസംഗിച്ചു.
മഹല്ല്, ശാഖാ, മുന്‍സിപ്പല്‍ എസ്.വൈ.എസ് ഭാരവാഹികള്‍ സംഗമിച്ച ക്യാംപില്‍ ആദര്‍ശം, ആത്മീയം, സംഘാടനം എന്നീ വിഷയങ്ങള്‍ യഥാക്രമം ഫള്‌ലു റഹ്മാന്‍ ഹുദവി, സ്വാലിഹ് അന്‍വരി ദേശമംഗലം, സി.കെ മുഷ്താഖ് അവതരിപ്പിച്ചു.
മുന്‍സിപ്പല്‍ പ്രസിഡന്റ് പി. കാസിം അധ്യക്ഷനായ ചടങ്ങിന് മുന്‍സിപ്പല്‍ സെക്രട്ടറി പി. ഹംസ സ്വാഗതവും എസ്.ബി.വി പ്രസിഡന്റ് കെ.വി മുഹമ്മദ് മുനാഫര്‍ നന്ദിയും പറഞ്ഞു.