മണ്ണാര്‍ക്കാട്: തച്ചമ്പാറ സര്‍വിസ് സഹകരണ ബാങ്ക് തച്ചമ്പാറയില്‍ തുടങ്ങിയ നീതി മെഡിക്കല്‍ സ്റ്റോറിന്റെ ഉദ്ഘാടനം നടത്തി. മിതമായ നിരക്കില്‍ മരുന്നുകള്‍ ലഭ്യമാക്കുക എന്നതാണ് പദ്ധതിയുടെ ലക്ഷ്യം. ബ്ലോക്ക് പഞ്ചായത്ത് പ്രസിഡന്റ് യൂസഫ് പാലക്കല്‍ ഉദ്ഘാടനം നിര്‍വഹിച്ചു.
ഇ. ആരിഫ് അധ്യക്ഷനായി. ബാങ്കിന്റെ നൂറാം വാര്‍ഷികാഘോഷത്തിന്റെ ഭാഗമായി നവീകരച്ച കെട്ടിടത്തിന്റെ ഉദ്ഘാടനം വി.കെ ശ്രീകണ്ഠന്‍ ഉദ്ഘാടനം ചെയ്തു. മെഡിക്കല്‍ സ്റ്റോറിലെ ആദ്യ വില്‍പ്പന ഗ്രാമപഞ്ചായത്ത് പ്രസിഡന്റ് കെ.ടി സുജാത നിര്‍വഹിച്ചു. ബാങ്കിന്റെ ബ്രോസര്‍ ബേസിഡ് സോഫ്റ്റ്‌വെയര്‍ സംവിധാനം എ.കെ ബാബു ഉദ്ഘാടനം ചെയ്തു. എം. ജയകുമാര്‍, ബ്ലോക്ക് പഞ്ചായത്തംഗം കെ.പി മൊയ്തു, പി. ഗോപി, മാത്യു, കെ. കൃഷ്ണദാസ് സംബന്ധിച്ചു. ചടങ്ങില്‍ തച്ചമ്പാറയില്‍ വിശിഷ്ട സേവനം നടത്തുന്ന ഡോക്ടറെ ആദരിച്ചു.