മലപ്പുറം: വരള്‍ച്ച രൂക്ഷമാകുന്ന സാഹചര്യത്തില്‍ കിണര്‍ റീചാര്‍ജിങ്, വേസ്റ്റ് മാനേജ്‌മെന്റ് പോലുള്ള പദ്ധതികള്‍ക്കു ബാങ്കുകള്‍ വായ്പാ പദ്ധതി തയാറാക്കണമെന്നു ഡെപ്യൂട്ടി കലക്ടര്‍ (ദുരന്ത നിവാരണം) സി.  അബ്ദുര്‍റഷീദ്. ജില്ലാതല ബാങ്കിങ് അവലോകന സമിതി യോഗത്തില്‍ അധ്യക്ഷനായി സംസാരിക്കുകയായിരുന്നു അദ്ദേഹം.
2017-18 ലെ ജില്ലാ വായ്പാ പദ്ധതി യോഗത്തില്‍ പ്രകാശനം ചെയ്തു. കനറാ ബാങ്ക് എ.ജി.എം കെ.എ നാസര്‍, റിസര്‍വ് ബാങ്ക് ഓഫ്  ഇന്ത്യ തിരുവനന്തപുരം മാനേജര്‍ ഹര്‍ലിന്‍ ഫ്രാന്‍സിസ് ചിറമേല്‍, നബാര്‍ഡ് ഡി.ഡി.എം ജെയിംസ്  പി. ജോര്‍ജ്, ലീഡ് ജില്ലാ മാനേജര്‍ കെ. അബ്ദുല്‍ ജബ്ബാര്‍ സംസാരിച്ചു.