റാഞ്ചി: ടെസ്റ്റ് പരമ്പര 1-1നു സമനിലയിലായെങ്കിലും ഇപ്പോഴും സമ്മര്‍ദം ഇന്ത്യക്കാണെന്നു ഓസീസ് സ്പിന്നര്‍ നതാന്‍ ലിയോണ്‍. തങ്ങള്‍ക്ക് ഒട്ടും സമ്മര്‍ദമില്ലെന്നും ലിയോണ്‍ പറയുന്നു.
അതേസമയം രണ്ടാം ടെസ്റ്റില്‍ ഇന്ത്യ കളിക്കളത്തില്‍ കാണിച്ച ആക്രമണോത്സുകത ഞെട്ടിച്ചുകളഞ്ഞതായി ആസ്‌ത്രേലിയന്‍ വിക്കറ്റ് കീപ്പര്‍ മാത്യു വെയ്ഡ്.
മികവിന്റെ അടിസ്ഥാനത്തില്‍ ഇന്ത്യയെ മൂന്നാം ടെസ്റ്റില്‍ തോല്‍പിക്കാന്‍ ശ്രമിക്കുമെന്നും വെയ്ഡ് വ്യക്തമാക്കി. ഇന്ത്യന്‍ ടീം ചെറിയ അവസരങ്ങള്‍ പോലും മുതലെടുക്കുന്നവരാണ്. എതിര്‍ ടീമിന്റെ നരിയ പിഴവു മതി അവര്‍ക്കു മുന്നേറാന്‍. കളിയില്‍ ആധിപത്യം നേടാന്‍ ഇന്ത്യക്കു അവസരം കൊടുക്കാതിരിക്കുകയാണ് ലക്ഷ്യം.