തൃശൂര്‍: സുന്നി യുവജന സംഘം സംസ്ഥാന വ്യാപകമായി നടത്തുന്ന സംഘടനാ അദാലത്തിന്റെ ഭാഗമായി തൃശൂര്‍ ജില്ലാ കമ്മിറ്റിയുടെ ആഭിമുഖ്യത്തില്‍ രണ്ടു മാസക്കാലമായി നടന്നു വരുന്ന അദാലത്ത് കാംപയിന്റെ ഒന്നാം ഘട്ടത്തിന് ആവേശകരമായ പരിസമാപ്തി.
കാംപയിന്റെ ഭാഗമായി ഈ മാസം രണ്ടിനു ഗുരുവായൂര്‍ നിയോജകമണ്ഡലത്തില്‍ തുടക്കമായ അദാലത്ത് പരിപാടികള്‍ മണലൂര്‍, ചേലക്കര, കുന്ദംകുളം, പുതുക്കാട്, കൊടുങ്ങല്ലൂര്‍, കൈപ്പമംഗലം എന്നി മണ്ഡലങ്ങള്‍ക്ക് ശേഷം ഇന്നലെ വൈകുന്നേരം അഞ്ചിനു നാട്ടികയില്‍ സമാപിച്ചു.
കൈപ്പമംഗലം നിയോജകമണ്ഡലം ഓഫിസില്‍ രാവിലെ എട്ടിനു ആരംഭിച്ച അദാലത്തില്‍ എസ്.വൈ.എസ് മണ്ഡലം പ്രസിഡന്റ് സി.എസ് ഹുസൈന്‍ തങ്ങള്‍ അധ്യക്ഷനായി.
ജനറല്‍ സെക്രട്ടറി ടി.എസ് മുബാറക്, ജില്ലാ സെക്രട്ടറി കെ.ആര്‍ സദഖത്തുല്ലമാസ്റ്റര്‍, മതിലകം മേഖല പ്രസിഡന്റ് ശിഹാബുദ്ദീന്‍ മാസ്റ്റര്‍, ജനറല്‍ സെക്രട്ടറി കെ.എ റഷീദ്, കൊടുങ്ങല്ലൂര്‍ മേഖല പ്രസിഡന്റ് സഗീര്‍ മുസ്്‌ലിയാര്‍, പതിയാശ്ശേരി ജനറല്‍ സെക്രട്ടറി കെ.കെ യൂസുഫ്, റഷീദ് കൂരിക്കുഴി, നൗഫല്‍ റഹ്മാനി, പി.എ ഇസ്മാഈല്‍, പി.കെ ശംസുദ്ദീന്‍ സംബന്ധിച്ചു.
ഉച്ചക്ക് രണ്ടിനു നാട്ടിക നിയോജകമണ്ഡലത്തിലെ മുരിയാംതോട് ഇല്‍ഫത്തുല്‍ ഇസ്്‌ലാം മദ്‌റസയില്‍ ആരംഭിച്ച അദാലത്തില്‍ മണ്ഡലം ജനറല്‍ സെക്രട്ടറി പി.പി മുസ്തഫ മൗലവി അധ്യക്ഷനായി.
മദ്‌റസാ മാനേജ്‌മെന്റ് അസോസിയേഷന്‍ മേഖല ജനറല്‍ സെക്രട്ടറി പി.എച്ച് സൈനുദ്ദീന്‍ സയ്യിദ് തഖിയുദ്ദീന്‍ യമാനി തങ്ങള്‍, എസ്.വൈ.എസിന്റെ വിവിധ മേഖലകളെ പ്രതിനിധീകരിച്ചു പി.എച്ച് ഇബ്രാഹിം, കെ.ബി ഹംസ ഹാജി, യൂസുഫ് ഹാജി, പി.എം സൈതലവി ഫൈസി, വി.കെ സുലൈമാന്‍, പി.എ മനാഫ് അബ്ദുസ്സമദ് മാസ്റ്റര്‍, ഇസ്മാഈല്‍ മൂത്തേടത്തറ വി.സി.അബ്ദുല്‍ ഗഫൂര്‍ സിദ്ദീഖ് കുട്ടമംഗലം അലിഹാജി കൈതക്കല്‍ എ.എ.അബ്ദുല്ലകുട്ടി സംബന്ധിച്ചു. ജില്ലാ ജനറല്‍ സെക്രട്ടറി ഷറഫുദ്ദീന്‍ മൗലവി വെന്മേനാട് അദാലത്തുകള്‍ക്ക് നേതൃത്വം നല്‍കി.