പട്ടിക്കാട്: മഴക്കാല രോഗപ്രതിരോധ പരിപാടിയായ ആരോഗ്യ ജാഗ്രത ക്യാംപ് പാണഞ്ചേരി പഞ്ചായത്ത് ഹാളില്‍ പ്രസിഡന്റ് കെ.വി അനിത ഉദ്ഘാടനം ചെയ്തു. കുടുംബശ്രീ ചെയര്‍പേഴ്‌സണ്‍ ആനി ജോയ് അധ്യക്ഷയായി.
ആരോഗ്യ വകുപ്പും തദേശ സ്വയംഭരണ വകുപ്പും നേതൃത്വം നല്‍കുന്ന പരിപാടി കില, സാക്ഷരത മിഷന്‍, ശുചിത്വ മിഷന്‍, കുടുംബശ്രീമിഷന്‍, പഞ്ചായത്ത്, നഗര ആരോഗ്യ വകുപ്പുകള്‍ ഓരോ വാര്‍ഡില്‍ നിന്നും 50 വീതം കുട്ടികളെ സംഘടിപ്പിച്ചു ഓരോ വാര്‍ഡിലും ഉറവിട നശീകരണം വഴി പകര്‍ച്ചവ്യാധികളെ തടയുന്നതിനുള്ള പരിശീലനം നല്‍കും.
ഹരിതകേരള മിഷനാണു പരിശീലനത്തിന്റെ നേതൃത്വം. ഹെല്‍ത്ത് സൂപ്പര്‍വൈസര്‍ സുദര്‍ശന്‍ പദ്ധതി വിശദീകരിച്ചു.
സ്ഥിരംസമിതി അംഗങ്ങളായ കെ.എസ് സുമേഷ്, ഷൈനി വര്‍ഗീസ്, മിനി ഭാസ്‌കരന്‍, ജെ.എച്ച്.ഐ റെജി മാത്യു സംസാരിച്ചു. അബ്ദുള്‍ മന്‍സൂര്‍, ലാര്‍ജി പാറയില്‍ ക്ലാസെടുത്തു.