മലപ്പുറം: പാര്‍ലിമെന്റ് മാര്‍ച്ചിന് ഐക്യദാര്‍ഢ്യം പ്രകടിപ്പിച്ച് കെ.യു.ഡബ്ല്യു.ജെ, കെ.എന്‍.ഇ.എഫ് ജില്ലാ കമ്മിറ്റി കളുടെ സംയുക്താഭിമുഖ്യത്തില്‍ മലപ്പുറത്ത്  പ്രകടനം നടത്തി. പ്രസ്‌ക്ലബ് പരിസരത്ത് നിന്നാരംഭിച്ച പ്രകടനത്തിന് പ്രസ്‌ക്ലബ് പ്രസിഡന്റ് ആര്‍. സാംബന്‍, സെക്രട്ടറി സുരേഷ് എടപ്പാള്‍, കെ.എന്‍.ഇ.എഫ് ജില്ലാ പ്രസിഡന്റ് ഒ. മുനീര്‍ ബാബു, സെക്രട്ടറി അബ്ദുറഹ്മാന്‍ കൂരി എന്നിവര്‍ നേതൃത്വം നല്‍കി. പത്ര പ്രവര്‍ത്തക യൂനിയന്‍ സംസ്ഥാന കമ്മിറ്റി അംഗം സമീര്‍ കല്ലായി, പ്രസ്‌ക്ലബ് വൈസ് പ്രസിഡന്റ് ഹാഷിം എളമരം, ജോയിന്റ് സെക്രട്ടറി എസ്. മഹേഷ് കുമാര്‍, ടി.പി സുരേഷ് കുമാര്‍ തുടങ്ങിയവര്‍ സംസാരിച്ചു.