പെരിന്തല്‍മണ്ണ: ട്രാഫിക് ജങ്ഷനില്‍ സിഗ്‌നല്‍ മറികടക്കാന്‍ ശ്രമിക്കുന്നതിനിടെ ടാങ്കര്‍ ലോറി കാറിനെ സ്ലാബിലേക്ക് ഇടിച്ചുകയറ്റി. ഇന്നലെ വൈകിട്ട് അഞ്ചോടെയാണ് സംഭവം. ജങ്ഷനില്‍ ഊട്ടി റോഡില്‍ നിന്നിരുന്ന വാഹനങ്ങള്‍ ട്രാഫിക് സിഗ്‌നല്‍ തെളിഞ്ഞതോടെ സിഗ്‌നലും കടന്ന് പട്ടാമ്പി റോഡിലെത്തി. എന്നാല്‍ വീതികുറഞ്ഞ സ്ഥലമായതോടെ വാഹനങ്ങള്‍ പരസ്പരം ഉരസുകയായിരുന്നു. ഇതോടെ കാര്‍ റോഡരികിലെ സ്ലാബില്‍ തട്ടി.
 ഇരു വാഹനങ്ങളും തകര്‍ന്നിട്ടുണ്ട്.
 ക്രൈയിന്‍ ഉപയോഗിച്ച ശേഷമാണ് വാഹനങ്ങള്‍ നീക്കം ചെയ്തത്.
സംഭവത്തില്‍ മണിക്കൂറുകളോളം പെരിന്തല്‍മണ്ണയില്‍ ഗതാഗതക്കുരുക്കുണ്ടായി.