മുക്കം: കൊടിയത്തൂര്‍ സര്‍വിസ് സഹകരണ ബാങ്കിനു കീഴില്‍ പ്രവര്‍ത്തിക്കുന്ന സ്റ്റാഫ് റിക്രിയേഷന്‍ ക്ലബും, തോട്ടുമുക്കം ഹയര്‍ സെക്കന്‍ഡറി സ്‌കൂളും സംയുക്തമായി വിദ്യാര്‍ഥികള്‍ക്കായി ബോധവല്‍ക്കരണ ക്ലാസ് നടത്തി. ദേശീയ മലമ്പനി വിരുദ്ധ മാസാചരണത്തിന്റെ ഭാഗമായാണു പരിപാടി സംഘടിപ്പിച്ചത്. തോട്ടുമുക്കം സെന്റ് തോമസ് ഹയര്‍ സെക്കന്‍ഡറി സ്‌കൂളില്‍ നടന്ന പരിപാടി തോട്ടുമുക്കം സെന്റ് തോമസ് ഫറോന ചര്‍ച്ച് അസി. വികാരി റവ.ഫാദര്‍ വര്‍ഗീസ് അറയാനിക്കല്‍ ഉദ്ഘാടനം ചെയ്തു.
കൊടിയത്തൂര്‍ ഗ്രാമപഞ്ചായത്ത് വികസന സ്റ്റാന്‍ഡിങ് കമ്മിറ്റി ചെയര്‍മാന്‍ സണ്ണി വി.എ അധ്യക്ഷനായി. വാര്‍ഡ് മെമ്പര്‍ കെ.സി നാടിക്കുട്ടി, സ്‌കൂള്‍ ഹെഡ്മാസ്റ്റര്‍ തോമസ് മുണ്ടപ്ലാക്കല്‍, ബാങ്ക് ഡയരക്ടര്‍ വി.കെ അബൂബക്കര്‍, സ്‌കൂള്‍ സ്റ്റാഫ് സെക്രട്ടറി പ്രകാശ് ജോര്‍ജ്ജ് സംസാരിച്ചു.
മുക്കം സി.എച്ച്.സിയിലെ ഹെല്‍ത്ത് ഇന്‍സ്‌പെക്ടര്‍ കെ.കെ നാസര്‍ ബോധവല്‍ക്കരണ ക്ലാസെടുത്തു. റിക്രിയേഷന്‍ ക്ലബ് സെക്രട്ടറി ബിജുമോന്‍ ജോസഫ്, ട്രഷറര്‍ വികാസ് കെ. സംസാരിച്ചു.