ചെറുമുക്ക്: ടിപ്പര്‍ ലോറി ബൈക്കിലിടിച്ച് രണ്ടുപേര്‍ക്ക് പരുക്ക്. പത്രഏജന്റുമാരും ചെറുമുക്ക് സ്വദേശികളുമായ തൂമ്പത്ത് മുസ്തഫ (36), അമരേരി മൊയ്തീന്റെ മകന്‍ മുബാറക്ക്  (32) എന്നിവര്‍ക്കാണ് പരുക്കേറ്റത്. ഇന്നലെ പുലര്‍ച്ചെ പത്രക്കെട്ട് എടുക്കുന്നതിനായി ചെറുമുക്കില്‍ നിന്നു തിരൂരങ്ങാടിയിലേക്ക് പോകുന്നതിനിടെ തിരൂരങ്ങാടി താഴെച്ചിന പള്ളിക്ക് മുന്‍വശം വച്ച് ഇവര്‍ സഞ്ചരിച്ച ബൈക്കില്‍ എതിരേ അമിത വേഗതയില്‍ വന്ന ടിപ്പര്‍ ലോറി ഇടിക്കുകയായിരുന്നു. സാരമായി പരിക്കേറ്റ മുസ്തഫയെ തിരൂരങ്ങാടി താലൂക്ക് ആസ്പത്രിയിലും മുബാറക്കിനെ കോട്ടയ്ക്കല്‍ സ്വകാര്യ ആശുപത്രിയിലും പ്രവേശിപ്പിച്ചു.