ബദിയടുക്ക: കര്‍ണാടകയില്‍നിന്നു മതിയായ രേഖകളില്ലാതെ ലോറികളില്‍ കടത്തിയ മണല്‍ പിടികൂടി. സംഭവത്തില്‍ നാലുപേര്‍ അറസ്റ്റിലായിട്ടുണ്ട്.
അനധികൃതമായി ടോറസ് ലോറികളില്‍ കടത്തിയ മണലാണ് പിടികൂടിയത്. മലപ്പുറം നിലമ്പൂര്‍ സ്വദേശി മുഹമ്മദ് റഫീഖ്(38), തെങ്കാശിയിലെ ജോണ്‍സണ്‍(31), കര്‍ണാടക പുത്തൂരിലെ ജബ്ബാര്‍(19), കാഞ്ഞങ്ങാട് ഗുരുപുരം സ്വദേശി റിയാസ്(28) എന്നിവരാണ് അറസ്റ്റിലായത്.
ഇന്നലെ പുലര്‍ച്ചെ അഞ്ചിന് വിദ്യാനഗര്‍ സി.ഐ ബാബു പെരിങ്ങോത്തിന്റെയും ബദിയടുക്ക എസ്.ഐ എ. ദാമോദരന്റെയും നേതൃത്വത്തില്‍ നടന്ന പരിശോധനയിലാണു മണല്‍കടത്ത് പിടികൂടിയത്.