ഗൂഡല്ലൂര്‍: വര്‍ഷകാലം കനിയായാതോടെ കുന്നൂരിലും പരിസരങ്ങളിലും കുടിവെള്ള ക്ഷാമം രൂക്ഷമാകുന്നു.
റേലിയാ ഡാമുള്‍പ്പെടെയുള്ള ഈ മേഖലയിലെ എല്ലാ ഡാമുകളിലും ജലനിരപ്പ് പാടെ താഴ്ന്നിരിക്കുകയാണ്. സംഭരണികളില്‍ ആവശ്യത്തിന് വെള്ളമില്ലാത്തതിനാല്‍ നഗരസഭയുടെ നേതൃത്വത്തിലുള്ള കുടിവെള്ള വിതരണവും താറുമാറായിരിക്കുകയാണ്. നിലവില്‍ പത്തുദിവസത്തിലൊരിക്കലാണ് നഗരസഭ കുടിവെള്ളം വിതരണം ചെയ്തത്. കുടിവെള്ള ക്ഷാമം രൂക്ഷമായതോടെ പ്രദേശങ്ങലില്‍ കുടിവെള്ള വില്‍പനയും സജീവമാണ്.
ഒരു കുടം വെള്ളത്തിന് 12 രൂപ നിരക്കിലാണ് കുടിവെള്ള വില്‍പന. വാഹനങ്ങളില്‍ ടാങ്കുകളിലാക്കി എത്തിച്ചാണ് കുടിവെള്ള വില്‍പന നടക്കുന്നത്. പ്രദേശത്തെ കുടിവെള്ള ക്ഷാമം അടിയന്തരമായി പരിഹരിക്കാന്‍ നടപടിയുണ്ടാകണമെന്ന് നാട്ടുകാര്‍ ആവശ്യപ്പെട്ടു.