മേപ്പയ്യൂര്‍: ജീവകാരുണ്യ പ്രവര്‍ത്തനങ്ങള്‍ നടത്തുന്ന ചോല മേപ്പയ്യൂരിന്റെ നേതൃത്വത്തില്‍ വിളയാട്ടൂര്‍ എളമ്പിലാട് എം.യു.പി സ്‌കൂളില്‍ വിദ്യാര്‍ഥികള്‍ക്കു പഠനോപകരണ കിറ്റുകള്‍ വിതരണം ചെയ്തു.
ചോല മേപ്പയ്യൂരിന്റെ സ്റ്റിയറിങ് കമ്മിറ്റി അംഗങ്ങളായ മുജീബ് കോമത്ത്, ടി.സി ഭാസ്‌കരന്‍ എന്നിവര്‍ ചേര്‍ന്ന് കിറ്റുകള്‍ വിതരണം ചെയ്തു ഉദ്ഘാടനം നിര്‍വഹിച്ചു.
പ്രധാന അധ്യാപകന്‍ ഇ.കെ മുഹമ്മദ് ബഷീര്‍ അധ്യക്ഷനായി. പി.കെ റസീല, ഐ.എം കലേഷ്, നാസിഫ്, പ്രദീപ് മുദ്ര, പി.വി സ്വപ്ന സംസാരിച്ചു.
മേപ്പയ്യൂര്‍ പഞ്ചായത്തിലെ 16 സ്‌കൂളുകളിലും ചോലയുടെ നേതൃത്വത്തില്‍ പഠനോപകരണ കിറ്റുകള്‍ വിതരണം ചെയ്യുന്നുണ്ട്.