വടകര: കനത്ത കാറ്റിലും മഴയിലും നാദാപുരം റോഡ് വല്ലത്ത്കുന്ന് ലക്ഷംവീട് കോളനിയില്‍ വീട് തകര്‍ന്നു. പ്രസന്നയുടെ വീടാണു ബുധനാഴ്ച അര്‍ധരാത്രിയോടെ നിലംപൊത്തിയത്.
പ്രസന്ന തനിച്ചാണ് ഇവിടെ താമസം. പ്രതികൂല കാലാവസ്ഥ കണക്കിലെടുത്ത് അയല്‍വാസികള്‍ പ്രസന്നയെ നേരത്തെ ഇവിടെ നിന്നു മാറ്റിയതിനാല്‍ ഇവര്‍ പരുക്കേല്‍ക്കാതെ രക്ഷപ്പെട്ടു.
കിടപ്പാടം തകര്‍ന്നതോടെ ഇനി എന്തു ചെയ്യുമെന്നറിയാത്ത അവസ്ഥയിലാണ് പ്രസന്ന. അയല്‍വാസികളുടെ വീട്ടിലാണ് ഇവര്‍ ഇപ്പോള്‍ കഴിയുന്നത്.