പൂച്ചാക്കല്‍: പെരുമ്പളം ഗവ. ഹൈസ്‌കൂളില്‍ ഇന്ന് ലഹരി വിരുദ്ധ ക്യാമ്പയിന്‍ സംഘടിപ്പിക്കും. സ്റ്റുഡന്റ് പോലീസിലേയ്ക്ക് തെരഞ്ഞെടുക്കപ്പെട്ട വിദ്യാര്‍ത്ഥികളാണ് ക്യാമ്പയിന് നേതൃത്വം നല്‍കുന്നത്.
കൊച്ചിന്‍ റോട്ടറി ക്ലബ്ബിന്റെ സഹായത്തോടെ ഒരു വര്‍ഷക്കാലം നീണ്ടു നില്‍ക്കുന്ന പദ്ധതിക്കാണ് രൂപം നല്‍കിയിരിക്കുന്നതെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഗാനരചയിതാവ് രാജീവ് ആലുങ്കല്‍ ഇന്ന് രാവിലെ 10ന് പരിപാടി ഉദ്ഘാടനം ചെയ്യും. ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ കെ.ടി മാത്യു അദ്ധ്യക്ഷതവഹിക്കും. എസ്.പി.സി ജില്ലാ നോഡല്‍ ഓഫീസര്‍ പി.കെ ഗോപാലനാചാരി പദ്ധതി വിശദീകരിക്കും. ചേര്‍ത്തല ഡിവൈ.എസ്.പി എം.രമേഷ്‌കുമാര്‍ മുഖ്യ പ്രഭാഷണം നടത്തും. സി.ഐ ടോമി സെബാസ്റ്റ്യന്‍ ലഹരിവിരുദ്ധ സന്ദേശം നല്‍കും.
തൈക്കാട്ടുശേരി ബ്ലോക്ക് പഞ്ചായത്ത് പ്രസിഡന്റ് നിര്‍മ്മല ശെല്‍വരാജ്, വൈസ് പ്രസിഡന്റ് പി.ജി മുരളി, ജില്ലാ പഞ്ചായത്ത് മെമ്പര്‍ പി.എം പ്രമോദ്, ഷിബു, അനൂപ്, ജയചന്ദ്രന്‍, ഇന്ദിരാമ്മ, പ്രിന്‍സിപ്പാള്‍മാരായ അജിത്ത്, ജോബി വര്‍ഗീസ്, എസ്.ഐ ജി സുരേഷ്‌കുമാര്‍, വിറ്റി അനില്‍കുമാര്‍, ലിജിമോള്‍, രതീഷ് രാംദാസ് തുടങ്ങിയവര്‍ സംസാരിക്കും. തുടര്‍ന്ന് ലഹരിക്കെതിരെ വിദ്യാര്‍ത്ഥികള്‍ അവതരിപ്പിക്കുന്ന നേര്‍ക്കാഴ്ചകള്‍ എന്ന നാടകവും അവതരിപ്പിക്കുമെന്ന് രതീഷ് രാംദാസ്, കെ.പി സന്തോഷ് എന്നിവര്‍ അറിയിച്ചു.