കൊടുവള്ളി: വ്യാപാരി വ്യവയാസി ഏകോപന സമിതിയും ഗോള്‍ഡ് ആന്‍ഡ് സില്‍വര്‍ മര്‍ച്ചന്റ് അസോസിയേഷനും സംയുക്തമായി വ്യാപാര പുരോഗതി ലക്ഷ്യം വച്ച് സംഘടിപ്പിക്കുന്ന കൊടുവള്ളി ഫെസ്റ്റ് നാളെ തുടങ്ങുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു. ഫെസ്റ്റിനോടനുബന്ധിച്ച് കൊടുവള്ളിയിലെ വ്യാപാര സ്ഥാപനങ്ങളില്‍ നിന്നു വാങ്ങുന്ന സാധനങ്ങളോടൊപ്പം ഉപഭോക്താക്കള്‍ക്ക് കൂപ്പണുകള്‍ ലഭിക്കും.
15 ദിവസം ഇടവിട്ട് കൂപ്പണ്‍ നറുക്കെടുപ്പിലൂടെ ബൈക്കുകളും ബംബര്‍ സമ്മാനമായി കാറും നല്‍കും.
ഫെസ്റ്റിനോടനുബന്ധിച്ച് കാര്‍ഷിക-വ്യവസായ പ്രദര്‍ശനം, ഭക്ഷ്യമേള, ആരോഗ്യ പ്രദര്‍ശനം, കമ്പവലി മത്സരം, മൈലാഞ്ചിയിടല്‍ മത്സരം, മാപ്പിളപ്പാട്ട് മത്സരം, ആഴ്ചച്ചന്ത വികസന പ്രവര്‍ത്തനങ്ങള്‍, കലാപരിപാടികള്‍, കൂട്ടയോട്ടം എന്നിവ സംഘടിപ്പിക്കും. ഫെസ്റ്റിന്റെ ടിക്കറ്റ് വില്‍പനയും വിളംബര ഘോഷയാത്രയും ഇന്നു വൈകിട്ട് നാലിനു നടക്കും. വാര്‍ത്താ സമ്മേളനത്തില്‍ പി.ടി.എ ലത്തീഫ്, ഒ.ടി സുലൈമാന്‍, എം. അബ്ദുല്‍ ഖാദര്‍, സി.പി അബ്ദുല്‍ മജീദ്, ടി.കെ അത്തിയത്ത്, ടി.പി അര്‍ഷാദ്, പി.സി ജാഫര്‍ പങ്കെടുത്തു.