കുന്ദമംഗലം: ചൂലൂര്‍ ഭാവന സ്വാശ്രയ സംഘം സ്‌കൂള്‍ കുട്ടികള്‍ക്കായി വര്‍ണോത്സവം എന്ന പേരില്‍ ചിത്രരചനാ മത്സരവും കലാപഠന ക്യാംപും സംഘടിപ്പിച്ചു. വാര്‍ഡ് മെമ്പര്‍ എ. പ്രസാദ് ഉദ്ഘാടനം ചെയ്തു. സംഘം സെക്രട്ടറി എം. പ്രേമരാജന്‍ അധ്യക്ഷനായി. ടി.എന്‍ ബാലകൃഷ്ണന്‍, വി.കെ ശിവദാസന്‍, ടി.എന്‍ നാരായണന്‍നായര്‍, പി. വേലായുധന്‍, എം. ദിനേശന്‍ പ്രസംഗിച്ചു. കെ. രാജന്‍ സ്വാഗതവും എം. ചോയിക്കുട്ടി നന്ദിയും പറഞ്ഞു.
ഉച്ചയ്ക്കു ശേഷം ചൂലൂര്‍ എ.യു.പി സ്‌കൂളില്‍ നടന്ന ചിത്രകലാ പഠന ക്യാംപില്‍ രവീന്ദ്രന്‍ കുന്ദമംഗലം, സിഗ്‌നിദേവരാജന്‍ എന്നിവര്‍ ക്ലാസെടുത്തു. കുട്ടികളുടെ ചിത്രപ്രദര്‍ശനവും സിഗ്‌നി ദേവരാജന്‍ പേപ്പര്‍ ഗ്ലാസുകളില്‍ വരച്ച ഇരുനൂറോളം ചിത്രത്തിന്റെ പ്രദര്‍ശനവും നടന്നു.