മാനന്തവാടി: വള്ളിയൂര്‍ക്കാവ് ഉത്സവം നാളെ ആരംഭിക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. ഉത്സവത്തിന് തുടക്കം കുറിച്ച് ഇന്ന് വൈകിട്ട് പാണ്ടിക്കടിലെ പള്ളിയറ ക്ഷേത്രത്തില്‍ നിന്നും വാള്‍ എഴുന്നെള്ളിപ്പ് നടക്കും. ക്ഷേത്രം പൂജാരി ശ്രീജേഷ് നമ്പൂതിരിയാണ് വാള്‍ കൊണ്ടുവരുക. ഉത്സവം തുടങ്ങുന്ന ദിവസം മുതല്‍ വ്യത്യസ്ഥമായ പരിപാടികള്‍ നടക്കും. ഏഴാംദിനം മുതല്‍ താഴെക്കാവിലെ പൊതു സ്‌റ്റേജില്‍ പരിപാടികള്‍ നടക്കും. കഴിഞ്ഞ വര്‍ഷത്തേതില്‍ നിന്നും വ്യത്യസ്ഥമായ ഈ വര്‍ഷം മറ്റ് ക്ഷേത്രങ്ങളില്‍ നിന്നും കാവുകളില്‍ നിന്നും അടിയറകള്‍ വരുമെന്നും സംഘാടകര്‍ പറഞ്ഞു. വാര്‍ത്താ സമ്മേളനത്തില്‍ ഉത്സവാഘോഷ കമ്മിറ്റി പ്രസിഡന്റ് കമ്മന മോഹനന്‍, സെക്രട്ടറി പി.വി സുരേന്ദ്രന്‍, എക്‌സിക്യുട്ടീവ് ഓഫിസര്‍ കെ.വി നാരായണന്‍ നമ്പൂതിരി, എ ശ്രീകേഷ് പങ്കെടുത്തു.