വൈത്തിരി: എസ്.എസ്.എല്‍.സി പരീക്ഷയില്‍ മുഴുവന്‍ വിഷയങ്ങളിലും എ പ്ലസ് നേടി കെ.എസ് അതുലിനെ യൂത്ത് കോണ്‍ഗ്രസ് പൊഴുതന മണ്ഡലം കമ്മിറ്റി അനുമോദിച്ചു. അച്ചൂരിലെ ഹരിസണ്‍ മലയാളം പ്ലാന്റേഷനിലെ തോട്ടം തൊഴിലാളിയായ സുരേഷിന്റെയും രജിതയുടേയും മകനാണ് അതുല്‍. യോഗത്തില്‍ മണ്ഡലം പ്രസിഡന്റ് മുനീര്‍ അധ്യക്ഷനായി. ശശി അച്ചൂര്‍, ജംഷീര്‍ കുഞ്ഞാവ, ഷറഫലി കടവത്ത്, തമ്പി, സുഹൈല്‍ പൂളക്കല്‍, ആസിഫ്, സഫ് വാന്‍, റിഷാല്‍ സംസാരിച്ചു.
കരണി: എം.എസ്.എഫ് കരണി യൂനിറ്റിന്റെ ആഭിമുഖ്യത്തില്‍ എസ്.എസ്.എല്‍.സി പരീക്ഷയില്‍ മികച്ച വിജയം നേടിയ വിദ്യാര്‍ഥികളെ ആദരിച്ചു. കരണി ടൗണില്‍ നടന്ന പരിപാടി എം.എസ്.എഫ് സംസ്ഥാന ജനറല്‍ സെക്രട്ടറി എം.പി നവാസ് ഉദ്ഘാടനം ചെയ്തു. പി ഇര്‍ഷാദ് അധ്യക്ഷനായി. സുല്‍ത്താന്‍ ബത്തേരി എക്‌സൈസ് സര്‍ക്കിള്‍ ഇന്‍പെക്ടര്‍ ഷറഫുദ്ദിന്‍ മുഖ്യാതിഥിയായിരുന്നു. എം.എസ്.എഫ് ജില്ലാ പ്രസിഡന്റ് ലുക്മാനുല്‍ ഹക്കിം വി.പി.സി മുഖ്യപ്രഭാഷണം നടത്തി. പഞ്ചായത്ത് മുസ്‌ലിം ലീഗ് സെക്രട്ടറി കാട്ടി ഗഫൂര്‍, ശ്രീജിത് മാസ്റ്റര്‍, പി. അയമു, പി. അബ്ദു, മഹല്ല് പ്രസിഡന്റ് അബ്ദുല്‍ അസീസ് സി.എ, ഷെമീര്‍ പി, റിന്‍ഷാദ്, പി ഫാഹിദ് തുടങ്ങിയവര്‍ സംസാരിച്ചു. പി.ആര്‍ ആഷിഖ് സ്വാഗതവും എം ഇര്‍ഷാദ് നന്ദിയും പറഞ്ഞു.
കണിയാമ്പറ്റ: മില്ല്മുക്ക് ടൗണ്‍ മുസ്‌ലിം ലീഗ് കമ്മിറ്റിയുടെ ആഭിമുഖ്യത്തിന്‍ എസ്.എസ്.എല്‍.സി പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികളെ ആദരിച്ചു. ഖദീജ റിംഷ, നിദാ ഫാത്തിമ, ഹിബ ഫാത്തിമ, അമീന ഷെറിന്‍, മുര്‍ഷിദ, മുഹമ്മദ് അഫ്‌നാസ്, ജുബിഷ ഷെറിന്‍ എന്നിവരെയാണ് ആദരിച്ചത്. നെല്ലോളി കുഞ്ഞമ്മദ് അധ്യക്ഷനായി. പഞ്ചായത്ത് പ്രസിഡന്റ് കടവന്‍ ഹംസ ഹാജി ഉദ്ഘാടനം ചെയ്തു. മണ്ഡലം മുസ്്‌ലിം ലീഗ് സീനിയര്‍ വൈസ് പ്രസിഡന്റ് എം.കെ മൊയ്തു ഹാജി, കാട്ടി ഗഫൂര്‍, അബ്ബാസ് പുന്നോളി, ജൗഹര്‍ പുതിയാണ്ട, സി യൂനുസ്, പി സലിം, പി നാസര്‍ , എം.കെ ഖാദര്‍, കെ.കെ മൊയ്തു ഹാജി, റിന്‍ഷാദ് പുല്‍പറമ്പില്‍, കെ ഉബൈദ്, റസീന സുബൈര്‍, എം.പി ഉസ്മാന്‍, ഇസ്മായില്‍ മുക്രി, പി.ടി ഷമീര്‍, ഉനൈസ്, റനീഷ് എന്നിവര്‍ സംസാരിച്ചു. ഖാദര്‍ സാവാന്‍ സ്വാഗതവും സി യൂനുസ് നന്ദിയും പറഞ്ഞു.