ആലുവ:  ദേശീയ പാതയ്ക്ക് സമീപം തോട്ടയ്ക്കാട്ടുകരയില്‍ നിര്‍ത്തിയിട്ടിരുന്ന ഓട്ടോടാക്‌സിക്ക് തീയിട്ടു.  വെളിയത്തുനാട് അടുവാതുരുത്ത് കാട്ടിക്കോടത്ത്തുരുത്ത് വിട്ടീല്‍ സലീമിന്റെ ഓട്ടോയാണു കഴിഞ്ഞ ദിവസം രാത്രിയില്‍ അജ്ഞാതര്‍ തീയിട്ടത്.
വാഹനത്തിന്റെ മുന്‍ വശത്തുള്ള സ്റ്റിയറിങ് ഉള്‍പ്പെടെ കത്തിനശിച്ചു. ഈ സമയം റോഡിലൂടെ പോയ ബൈക്ക് യാത്രക്കാരാണു വാഹനത്തില്‍ പതിച്ചിരുന്ന ഫോണ്‍ നമ്പറില്‍ വിളിച്ചു വിവരം സലീമിനെ അറിയിക്കുകയായിരുന്നു.
ദേശീയപാതയ്ക്ക് സമീപം താമസിക്കുന്ന സലീമിന്റെ ഭാര്യ  വീടിനു ഓട്ടോ കൊണ്ടുപോകാനുള്ള സൗകര്യം കുറവായതിനാലാണു ദേശീയപാതയ്ക്ക്  അരികിലുള്ള മെഡിക്കല്‍ സ്‌റ്റോറിനു സമീപം വാഹനം നിര്‍ത്തിയിട്ടിരുന്നത്.