വെള്ളറട:വീടിനുള്ളില്‍ അതിക്രമിച്ചു കയറി യുവാവിനെ അടിച്ചുകൊന്ന കേസില്‍ രണ്ടുപേര്‍ കൂടി പിടിയിലായി. ആനപ്പാറ കെ.ജി.എസ് ഭവനില്‍ വിശാഖ് (25), ചായംപൊറ്റയില്‍ ജാക്കി എന്നു വിളിക്കുന്ന അഹില്‍ (27) എന്നിവരാണ് പിടിയിലായത്.
ഒറ്റശേഖരമംഗലം ഇടവാന്‍കുളത്തിന്‍കര വീട്ടില്‍ അരുണാണ് കൊല്ലപ്പെട്ടത്. സംഭവവുമായി ബന്ധപ്പെട്ട് മരണപ്പെട്ട അരുണിന്റെ സഹോദരീ ഭര്‍ത്താവ് വര്‍ണന്‍, ആനപ്പാറ സ്വദേശി സുജീന്‍ എന്നിവര്‍ നേരത്തേ പിടിയിലായിരുന്നു.
നെയ്യാറ്റിന്‍കര ഡി.വൈ.എസ്.പി ഹരികുമാര്‍,പാറശാല സി.ഐ സന്തോഷ് കുമാര്‍, ആര്യന്‍കോട് എസ്.ഐ ശാന്തകുമാര്‍, എ.എസ്.ഐ സാജന്‍ എന്നിവരടങ്ങിയ സംഘമാണ് പ്രതികളെ പിടികൂടിയത്.